蟹點

营业中

休息中

晚上七点几来到位于鸭脷洲西邨街市的蟹点，已经座无虚席。等了数分钟入座，仍然陆续有人等位，十分旺场，非常热闹。餐厅食物多元化而且菜式又多，有中菜，海鲜，泰菜同埋潮洲菜，真系梗有一款啱你食。虽然人多，但上菜都唔慢，店员仲好贴心，我哋点完黑胡椒炒蟹后，即送来一次性围裙和手套，有礼又殷勤。黑胡椒炒蟹：蟹膏唔算多，但蟹肉鲜味结实和丰厚，够晒新鲜。蟹钳大大只，咬落啖啖肉，用黑胡椒炒，味道突出，滋味无穷。大虾沙律：大虾非常弹牙，好似冬阴公嘅味道，辣得嚟好惹味。卤汁掌翼：传统潮式菜，掌翼都几入味，喜欢掌翼可以一试。金银蛋肉崧浸翡翠苗：上枱时仲滚紧，热辣辣。汤底系用白胡椒熬制，非常特别。平时食泰国嘢，我通常都会叫芒果沙冰，今次试吓菠萝沙冰，感觉好fresh, 又解渴。