影片
更多
2022-08-27
381 浏览
生日月很有食神, 品尝过唔同菜式, 而今晚就有好姊妹特意安排去咗湾仔一间楼上中菜食中式OMAKASE, 第一次食, 真系超期待!餐厅面积唔算大, 圆台、长台都有, 坐得阔落。单看今晚MENU, 用料讲究, 而所有菜式均为每位份量上台, 摆盘精致。先讲饮品, 呢度嘅竹庶茅根水, 非常清甜, 饮得出唔系加糖水果种死甜。健康得黎当晚encore咗两round。侍应送上两款自家制调味料, 左边腌制过嘅洋葱, 比较生, 爽脆有抢口感; 右边为XO酱, 辣辣地, 香口惹味。粟米燕窝球:金黄色炸虾球比起成人拳头细小小, 表面平均附有栗米粒, 一切开粟米粒四散, 虾球中心酿满泰国官燕, 非常足料! 虾球鲜甜味十足, 夹集粟米粒一齐食, 更有层次。上素酿羊肚菌:茨汁好滑, 垫底冬瓜好林又清甜, 配有羊肚菌、野竹笙、云南松茸, 清香菇味, 配搭清新又健康。咖哩洋葱蟹肉春卷:春卷炸得金黄香脆, 馅料有鲜味梳梳松叶蟹肉同埋好林嘅红皮薯仔, mix埋餐厅自调巴基斯坦咖哩, 香辣味跟春卷皮取得平均, 唔会覆盖蟹肉鲜味, 咖哩汁仲几惹味。专芦卡蜂蜜鱼叉烧: 呢款菜式令人谂起分子料理, 以龙趸背同埋专芦卡蜂蜜共同制成
餐厅面积唔算大, 圆台、长台都有, 坐得阔落。
单看今晚MENU, 用料讲究, 而所有菜式均为每位份量上台, 摆盘精致。
先讲饮品, 呢度嘅竹庶茅根水, 非常清甜, 饮得出唔系加糖水果种死甜。健康得黎当晚encore咗两round。
侍应送上两款自家制调味料, 左边腌制过嘅洋葱, 比较生, 爽脆有抢口感; 右边为XO酱, 辣辣地, 香口惹味。
粟米燕窝球:金黄色炸虾球比起成人拳头细小小, 表面平均附有栗米粒, 一切开粟米粒四散, 虾球中心酿满泰国官燕, 非常足料! 虾球鲜甜味十足, 夹集粟米粒一齐食, 更有层次。
上素酿羊肚菌:
茨汁好滑, 垫底冬瓜好林又清甜, 配有羊肚菌、野竹笙、云南松茸, 清香菇味, 配搭清新又健康。
咖哩洋葱蟹肉春卷:春卷炸得金黄香脆, 馅料有鲜味梳梳松叶蟹肉同埋好林嘅红皮薯仔, mix埋餐厅自调巴基斯坦咖哩, 香辣味跟春卷皮取得平均, 唔会覆盖蟹肉鲜味, 咖哩汁仲几惹味。
专芦卡蜂蜜鱼叉烧:
呢款菜式令人谂起分子料理, 以龙趸背同埋专芦卡蜂蜜共同制成嘅仿叉烧, 卖相都几神似, 口感实肉唔鞋, 做到真叉烧梳梳肉嘅质感; 而表面扫上专芦卡蜂蜜, 甜甜地, 尤其边缘位刻意烧浓, 食落有dd焦香, 正!
松子金银鱼汤羹:呢个汤羹同样足料, 加入了金古鱼肉、顶级牙拣片翅, 啖啖食到丰富食材, 而且加咗大量姜 (但口感食唔出), 鲜香得黎, 又有抢口感, 层次超丰富。
蟹黄珊瑚馔玉会冬林:超林冬瓜垫底, 超清甜, 茨汁好滑。北海道带子为8成熟, 海虾、龙虾肉都很爽甜, 伴有手拆蟹黄, 啖啖鲜味。
上汤百合菜苗:上汤好清甜, 菜苗尽索咗个上汤, 味道回甘。
芝麻甜辣鹌鹑: 鹌鹑炸皮超薄, 平均沾上甜辣汁, 再洒上芝麻。一咬脆得有声, 鹌鹑超嫩滑多汁, 炸皮上甜辣汁稍为辣咗d, 偏重口味, 还好有垫底脆卜卜嘅窝巴, 平衡到些少辣度。
浓鱼汤凤尾云吞面:汤底有浓郁鲜鱼味, 云吞皮超薄, 包住宫崎快乐猪肉, 猪肉馅料粉嫩juicy, 面底为手做风干面, 稍为索咗个汤汁令面质林。
香芒层层叠:两片不同薄脆上放上芒果卷, 以芒果肉小片围成花再加入芒果酱, 整体唔会太甜。
自家制黑糖柠檬柚子冰淇淋伴琴酒:黑糖柠檬柚子雪糕球上台时再加上少量琴酒, 令味道更为浓郁; 雪糕夹集咗柚子皮, 而雪糕整体味道有如奶茶味, 几正。
张贴
