中華滙館 (已結業)

一间餐厅要系中环立足并唔系容易既事情，事关同旺角尖沙咀既客群唔同，中环客群对食物质素，环境，服务而至餐厅气派既要求都相当高。所以可以系呢到打出名堂既餐厅，必须要一丝不苟。中华汇馆开业差不多一年，系呢区而有相当名声，绝对有其优胜既地方。餐厅气派同一般贵价餐厅，多左一分清雅同舒适。由员工到食物都一贯地有其气质。全晚由前菜口水鸡，去骨鸭舌，到海鲜料理，主菜，甜品，全部都有其名自之独特味道而毫无油腻之感。玻璃虾同蟹系全晚最展现到中华汇个个性既一碟菜：除左起肉既工序外，厨房经煮理后肉质既爽弹完全地保留到，味道亦唔需要好似一段中菜咁而浓，刺激既味道取胜，反而简单地配合而突显食材本应该有既美味。用料，心思，风格都相当令人欣赏。主菜除左话梅猪手外亦有鸭胸。上面既系磨左既姜。鸭味比平时食既任何一道鸭料理都更加鲜明，而姜味同鸭味既配合相当令人意想不到：姜既刺激感同鸭既酥味各自互相配合，两者味道双双升华。最后甜品为一餐既总结，非常完美既一餐