茶東西

营业中

休息中

啟德新發展區嘅啟德零售館已經開幕，店舖和食肆開始陸陸續續咁開業，人流暫時都唔係好多，好多餐廳都可以唔洗排隊直接入內。今次食嘅餐廳食物種類豐富，有港式鐵板餐、壽喜燒鍋和北海道咖喱等。主食加$28升級套餐，有埋前菜、餐湯和飲品。前菜今日前菜係玉子蛋，玉子蛋上面有蛋黃醬，玉子蛋好鮮嫩潤滑。餐湯餐湯係羅宋湯，有各種蔬菜，例如蘿蔔及牛肉粒。味道酸酸甜甜，都幾好味。咖喱牛肉漢堡蛋飯咖哩有得揀甜或辣口味，選用北海道咖哩，甜而不膩，滑蛋口感嫩滑可口，蛋香味濃郁，牛肉漢堡肉質軟熟，兩邊煎得香口。黑松露忌廉雜菌意大利粉 意大利粉嘅份量好大，雖然係素菜，但係味道依然鮮味，因為意粉用咗兩款菇類同埋蘆筍。菇類香噴噴，仲有點點洋蔥及黑松露，佈滿意大利粉。鹿兒島豚肉餃子餃子皮薄餡靚，豚肉鮮味十足，，旁邊有沙拉拌碟。北海道男爵薯餅薯餅外面好脆，入面的薯蓉好綿，沒有顆粒感，大人小朋友都岩食。燕麥杯燕麥杯有驚喜，選用燕麥奶及各種堅果，有核桃及腰果，而且有提子乾同埋新鮮蘋果，作為晚餐的甜品，為這一餐飯畫上一個句號。