燒洒一族 (顯徑街市)

营业中

休息中

之前喺南昌街市都有帮衬过烧洒一族，各种款式嘅中西式烧味令人目不暇给，仲有自家制酒醉系列，唔似烧腊档黎黎去去都系果几款。最好嘅地方系可以帮你加热埋，服务一流。睇完一轮要左条冲绳黑糖焗叉烧（$48），色水还好，黑糖嘅味道的确同外边有啲唔同风味，不过俾左条偏瘦叉略为柴左少少，下次都系讲明要半肥瘦好啲。有做到「少少汁」要求，唔错。另要左两块蜜糖黑椒烟鸭胸（$45/2），色水对办，唔会好油腻，咬落刚好软腍，甜甜地又少少spicy好送饭。