友利坊 x 友利冰室 x 勿當奴 (已結業)

做餐饮，要够创新，先俾到新鲜感大家，留得住食客👍🏻。呢间餐厅好特别，佢嘅菜式，既中且西，又会互相crossover 黎个中西合璧，非常搞鬼。要中式佢地有⭐️古法双冬羊腩煲呢几日刚刚入冬，冻到飞起🥶，食个羊腩煲就成个人都暖返哂！👍🏻羊腩炆得好腍，炆到骨肉分离😂，食起上嚟超级方便。个汁非常好送饭，唔会太咸又唔会太渴，非常浓郁！枝竹都炆到好入味！👍🏻不得不提个腐乳，食落有阵好香嘅玫瑰香味🌹，好清新，好惊喜❤️。呢个冬天，冻冰冰如果懒得出街，仲可以买佢既⭐️急冻羊腩煲，买返屋企，咁转冷就随时都有得食啦👍🏻。另外中西合璧呢，都好令小妹喜出望外架👍🏻👍🏻⭐️即烧爆谷烧鹅烧鹅虽然无话肉厚肥美，但个脆皮很不得了，一入口，就好似食紧爆谷咁，有阵焦糖爆谷嘅香味，系口腔中爆发🤤。而且，系好强烈！食烧鹅但又有爆谷，有趣👍🏻。⭐️乳猪卡邦尼意粉卡邦尼意粉上面，铺左几片脆皮乳猪。意粉白汁杰身，仲有大量既芝士粉。乳猪唔算肉厚同肥，但胜在够脆。最得意系，个海鲜酱，原来捞落去个意粉到，又会同白汁好夹架㖞！😂 又系另一个搞鬼又有趣既尝试❤️。