小包包 (已結業)

朋友话中环有间餐厅系亚洲第一女厨师开既，当然要慕名而来啦。无得book枱，只能walk in。我地七点拎位，点知店员同我地讲预计要等到9点先有位，仲要系星期一唔系假日，可见其受欢迎程度。呢度d包同平时食既汉堡包有d唔同，个包有d似馒头，有馒头既香味甜味，但系又较一般馒头软熟。而且个包底部有轻微咁烘过，所以脆脆地，口感更为丰富。我地叫左佢个signature - Pork Belly，猪腩肉好大旧，而且非常肥美，油香十足。原本以为猪腩肉会好油腻，但系又唔会。 猪腩肉加埋d芝麻酱海鲜酱又意外地夹，食到另一种味道。另外仲叫左个Fish Tempura，个配搭无猪腩肉咁大惊喜。可能因为西式汉堡包都有炸鱼呢个配搭。但都唔差既，炸得几好唔油腻，肉质唔会散，加埋d中式d既配料，有酸菜及香茅等，比你食到同出面不一样既炸鱼包。另外仲叫左个hidden dish - sake ice-cream。炸馒头夹住清酒雪糕，配搭非常有趣。即叫即整，外面系钢炸好又热又脆既馒头，里面系又冻又软既清酒雪糕，令人一试难忘，不过略显清酒味道有点儿淡。虽然份量睇落唔大，但其实原来都几饱。想试吓不一样嘅汉堡包可以黎试下。