影片
更多
2017-01-14
275 浏览
前日同朋友去完太子买野 本身谂住返屋企食晚饭 但途经呢间餐厅 我地觉得餐厅既装潢好特别 充满住浓浓既中国建筑特色 入面既设计同中国古代既风格好相似 于是就想入去试下传统中菜店内装潢设计别树一帜 一入门口就见到煮食工作台同埋bar 枱 啲酒杯摆到一排排 同啲中国传统木制既枱櫈相映成趣 就好似一间中国餐馆隔离起左个小酒吧我同朋友坐喺bar枱既隔离 可以睇到佢地煮食既过程 亦都可以第一时间食到新鲜出炉既各种菜式 😎 店入面仲有一个好似厢房既设计 俾食客有更多自己既私人空间～晋家门既餐牌都系中国画风既设计 红色既封面入面竟然唔系传统既中国菜 而系西餐！我地都觉得好惊喜 有沙律、小食、主菜同埋甜品 款式都几多几吸引入面既主菜有好多选择 可以食Risotto Pasta 或者Pizza 我同朋友都不约而同地想食pizza 🍕因为pizza既toppings 实在系太吸引😍我地另外仲叫左沙律做前菜🥗我地点既沙律系炭烧鸡胸凯萨沙律🥙 大大盘好fresh 佢既鸡胸肉好滑 有好香既炭烧味 啲生菜同番茄加左芝麻酱 好香口好惹味～ 除左沙律菜之外 仲有一粒粒脆卜卜烘到金黄色既多士粒 食到停唔到口 我地唔洗十分
店内装潢设计别树一帜 一入门口就见到煮食工作台同埋bar 枱 啲酒杯摆到一排排 同啲中国传统木制既枱櫈相映成趣 就好似一间中国餐馆隔离起左个小酒吧
我同朋友坐喺bar枱既隔离 可以睇到佢地煮食既过程 亦都可以第一时间食到新鲜出炉既各种菜式 😎 店入面仲有一个好似厢房既设计 俾食客有更多自己既私人空间～
晋家门既餐牌都系中国画风既设计 红色既封面入面竟然唔系传统既中国菜 而系西餐！我地都觉得好惊喜 有沙律、小食、主菜同埋甜品 款式都几多几吸引
入面既主菜有好多选择 可以食Risotto Pasta 或者Pizza 我同朋友都不约而同地想食pizza 🍕因为pizza既toppings 实在系太吸引😍我地另外仲叫左沙律做前菜🥗
我地点既沙律系炭烧鸡胸凯萨沙律🥙 大大盘好fresh 佢既鸡胸肉好滑 有好香既炭烧味 啲生菜同番茄加左芝麻酱 好香口好惹味～ 除左沙律菜之外 仲有一粒粒脆卜卜烘到金黄色既多士粒 食到停唔到口 我地唔洗十分钟就已经成碟食晒 十分开胃😋
食完沙律之后 两个香喷喷既pizza 就出现喇！我点既系黑松露什菌pizza 而朋友点既系千岛蜜桃烟鸭胸pizza🍕呢个黑松露什菌pizza 用既系薄底pizza 上面有好多好香浓既芝士 仲有一堆堆什菌同埋黑松露酱🍄 我自己本身好中意食用黑松露烹调既菜式 之前会拣黑松露意粉 黑松露意大利饭呢类既料理～我好中意黑松露加埋什菌呢种好简单好纯粹既味道 食完之后又唔觉得油腻 反而觉得好香口 好有满足感 啲什菌好爽口弹牙☺
千岛蜜桃烟鸭胸pizza 卖相好吸睛 每片pizza上面都有大量半溶芝士、一片厚薄适中既鸭胸肉、一块蜜桃果肉🍑同埋少量既千岛酱～ 口感好丰富 软绵绵既果肉 遇上烟韧既烟鸭胸肉 咬落一软一硬好特别😁千岛酱同蜜桃比我想像中夹 酸酸甜甜好吸引食欲 刺激味蕾😋
Pizza 所用既蜜桃不容小觑 我地只不过系轻轻攞起一片pizza 相连两块pizza既芝士就被拉起🧀 韧度十足 连绵不断 中意芝士既人一定会好振奋😍
食完主菜当然要黎个甜品 我地犹豫左一阵要窝夫定系雪糕 但最后因为个窝夫实在太靓 我地忍唔住决定要一客窝夫 叫左呢个士多啤梨紫薯窝夫配抹茶同香芋雪糕🍦
睇下佢几咁靓 因为加左士多啤梨酱汁 一上枱面已经闻到好香好香既士多啤梨味 而且窝夫亦都有好浓郁既烤饼味 入面有紫薯馅 虽然紫薯既味道唔算好浓 但就带点小清新～士多啤梨亦都好清甜🍓 切一小片窝夫 再沾少少雪糕 外脆内软既窝夫加埋冻冰冰既香芋雪糕 简直系味觉既享受😋
我同朋友都食得好开心 服务员既态度都好亲切 又会主动帮我地换碟同埋加水 野食质素都好唔错 最后埋单每人都系二百蚊☺
张贴
