更多
2020-01-12
104 浏览
麒艺馆午市孖宝鲍汁花胶捞饭+原只鲍鱼花胶挞只系$68,每枱只限优惠一次及限定星期一至五午市。超抵!原只鲍鱼花胶挞真系大大只鲍鱼无花无假,非常爽弹,鲍汁味重,估唔到配上挞皮系夹咁有新鲜感,食落又脆又弹牙,中西合璧!鲍汁花胶捞以为孖宝咁抵个饭一定好少,点知系咁大碟,花胶量足,饭粒软硬刚好、粒粒分明,好食!点心都好特别,麻婆豆腐都整到蒸饺$58,入面馅料系麻婆豆腐加带子,皮薄晶透,食落小辣。蜜汁爆口叉烧包$38食落去真系感觉到好多汁,好多叉烧馅,即叫即蒸热辣辣!日山和牛红菜头煎包$58牛肉馅好嫩滑,一咬落去牛肉汁爆晒出黎,个煎包煎到表皮脆。
张贴