金記冰室 (創紀之城五期(apm)) (已結業)

晚上睇完戏要医医肚，眼见金记喺面前就马上冲入去，中式小炒、铁板、焗饭，炒粉面、汤粉及小食乜都有，实有一款合心水。 铁板香煎鸡扒拼吉列鱼柳，配薯菜、黑椒汁 $90鸡扒大大块，吉列鱼柳炸粉少少厚，薯条同铁板不可分割，沾上黑椒汁同茄汁，好味好味。另外铁板唔够热，淋汁落去听唔到“咋咋声“。 芝士鲜茄焗炸鸡脾饭 $70大只炸脾放饭面，友人望见很开心，鸡脾不算太油炸，厚肉咬落啖啖满足。茄汁甜甜酸酸好开胃，配料有少许茄肉， 蘑菇及西芹增加口感。 韭黄虾球炒滑蛋 $80蛋炒得香嫩不太老，份量多多食到够晒喉，虾球大大只爽口弹牙，小菜推介之选。 罗宋汤（跟餐）本来期待值不高，但饮落改变观感，辣辣地又带啲甜味，材料有洋葱、辣椒粒、青椒及椰菜等，好足料。 红豆冰 +$10好多红豆，甜甜地几好饮，配埋鸡脾食系最正的。菠萝柚子冰 +$13底层满满柚子酱，非常慷慨，拌匀后甜度适中，面层有几粒菠萝很清甜，友人表示多几粒就更开心。