影片
更多
2017-12-18
7730 浏览
港岛太平洋酒店晌好多年前曾经嚟过，不过，当时未有港岛线延线，入嚟西营盘总觉得有点隔涉，所以，西环嘅揾食足迹好有限。但开通后，西环比以往多咗嚟，而今晚同朋友就一齐食自助餐庆祝吓圣诞，拣咗间平平哋嘅「中西‧环」。事隔多年无嚟，印象上，餐厅嘅环境无变，就算食物区嘅分布都喺一样，一字长形，头尾喺用餐区，食物大部份集中晌中间位置，而最抢眼喺餐厅内几幅大壁画，色彩缤纷，颇有法国农场果园嘅感觉。原来餐厅正做紧主题「奇幻彩苺园」嘅自助餐，更以唔同嘅莓类入馔。不过， 就加插咗唔少「可口可乐」嘅经典藏品，亦有多张海报，原来喺同「可口可乐」嘅短期合作。经典嘅汽水樽可不少，但1公升嘅「大樽」晌当年嚟讲真喺好特别。此外，四周布置上，还有食物，都添加咗圣诞元素，不过，个人感觉圣诞气氛未够浓烈，播番少少圣诞歌做背景音乐，气氛会强番啲。枱上嘅纸枱垫，小弟亦几钟意，除咗啲彩绘画得好靓之外，啲插图都喺西环嘅著名景点或地道嘅本土美食，份外亲切。依家惠顾自助晚餐，每位客人更奉送一杯餐酒，其实，餐酒唔算好钟意，不过，免费嘅就梗喺要啦。一阵实会食海鲜盘，所以，拣要白酒，评酒唔喺小弟专长，就无谓多讲献丑。啲可乐唔止得个睇字，仲梗喺
事隔多年无嚟，印象上，餐厅嘅环境无变，就算食物区嘅分布都喺一样，一字长形，头尾喺用餐区，食物大部份集中晌中间位置，而最抢眼喺餐厅内几幅大壁画，色彩缤纷，颇有法国农场果园嘅感觉。原来餐厅正做紧主题「奇幻彩苺园」嘅自助餐，更以唔同嘅莓类入馔。
不过， 就加插咗唔少「可口可乐」嘅经典藏品，亦有多张海报，原来喺同「可口可乐」嘅短期合作。经典嘅汽水樽可不少，但1公升嘅「大樽」晌当年嚟讲真喺好特别。此外，四周布置上，还有食物，都添加咗圣诞元素，不过，个人感觉圣诞气氛未够浓烈，播番少少圣诞歌做背景音乐，气氛会强番啲。
枱上嘅纸枱垫，小弟亦几钟意，除咗啲彩绘画得好靓之外，啲插图都喺西环嘅著名景点或地道嘅本土美食，份外亲切。
依家惠顾自助晚餐，每位客人更奉送一杯餐酒，其实，餐酒唔算好钟意，不过，免费嘅就梗喺要啦。一阵实会食海鲜盘，所以，拣要白酒，评酒唔喺小弟专长，就无谓多讲献丑。
啲可乐唔止得个睇字，仲梗喺有得饮啦，成大座士多怀旧式汽水柜，大多数后生仔可能未见过，我等依啲70后就极有童年回忆。想当年，一有「星战」上画，就去捕士多执「盖掩」储印花换礼物。白酒伴海鲜，可乐伴热盘、烤肉就衬晒啦。
沙律、海鲜、冷盘一上楼梯到餐厅，就会见到甜品，而甜品后面就喺沙律、海鲜、冷盘区，因为一向都先食沙律嚟帮助开开胃，所以，就先介绍呢组食物区。阵容普通，一大盆杂沙律菜、7款配料、3款酱汁，酱汁亦喺大路嘢，凯撒、千岛、意大利油醋，不过，灵光一闪，最吸引我眼球喺有兜杂莓水牛芝士，当然唔可以错过啦。
回本位嘅冻海鲜方面，比预期好㖞，虽然无生蚝，但有龙虾、面包蟹、长蟹脚、甜虾、青口、大蚬、翡翠螺，样样要啲都砌出成份海鲜拼盘啦。
冷盘，普通嘅有啲烟三文、鲛鱼同冻切肠，高档少少嘅就有莎乐美肠同巴马火腿伴蜜瓜。
沙律拼冷盘两大类食品拼出一大碟，睇样唔失礼架，啲沙律菜又几爽脆，虽然酱汁唔特别，但本身味道都唔差；巴马火腿咸香，却喺未够油润啫，而啲烟肉碎煎得较硬。
海鲜拼盘唔蚀底就当然每款海鲜都执啲，基本上佢哋有咩冻海鲜都有拎，折实四嚿水有咁嘅海鲜供应，算唔差。食过之后，质素比预期中好，啲龙虾肉爽多膏，面包蟹钳啲肉好鲜甜富蟹味，大蚬亦算好肉地，翡翠螺入口柔韧爽口。
海鲜拼盘
43 浏览
0 赞好
0 留言
马赛鱼汤有得你睇，真喺即点即做，睇师傅仔炒熟啲料头、海鲜（篮内龙虾喺装饰），再倒入鲜鱼汤，味道饮落真喺好唔一样，鲜香突出，同埋海鲜料无手紧，有大海虾、鱿鱼、青口、大蚬及鱼柳，喺唔可以错过嘅美食。
马赛鱼汤
30 浏览
0 赞好
0 留言
跟住就详细介绍吓开放式厨房仲有啲咩菜式，一头就喺刺身、寿司，一尾有啲炖汤，中间排列多款热盘，凭相记忆，计有烧西冷牛扒、蜜糖烧甜薯及南瓜配松子仁、烟肉炒椰菜仔、焦糖粟子、清炒时蔬、斑片、红加伦子青柠黄莓虾球、糯米饭、猪脚姜（仲记得多年前嚟都有呢样嘢，个老细对猪脚姜都几情有独钟）、猪腩肉、蕃茄焗三文鱼、意大利菠菜云吞、烧猪肋骨、红酒烩牛尾，补货足，但无转过款式。
刺身、寿司卷有6款刺身晌自助餐嚟讲都唔算少，但寿司无乜选择，只有一款寿司卷。由于睇过热盘亦唔算好多，应该一轮就KO到，所以，少有哋拎咗一碟刺身一齐「些牙」，有立鱼、吞拿、三文、油甘、八爪鱼、鲜带子，师傅仔啲刀功认真麻麻，但整体算几鲜甜，啲带子喺最正，有光泽，鲜爽甜。
中式炖汤食完少少生冷嘅寿司，就饮盅炖汤作间场，佢哋无插牌讲喺咩汤，但捞一捞，有排骨、海底椰，汤色清澈，味道清润，饮落几舒服。
中式炖汤
32 浏览
0 赞好
0 留言
热盘讲明一碟就搞得掂，但拎拎吓，都成只碟满晒。啲猪肋骨真喺几得㖞，烧得皮脆焦香，肉质几松化；烩牛尾又入晒味，而且，有淡淡酒香；啲烧西冷有少少韧，反而，堆伴菜如烧甜薯、焦糖粟子好食。
尾声，都喺时间介绍甜品区喇，甜品安排得有少少散，先讲喺正中间嘅食物枱，大部份喺大型类甜品，而且，装饰得好有圣诞气氛，包括纯装饰嘅姜饼屋，以及蛋糕上嘅食用装饰，款式包括面包布甸、奥地利百果馅批、鲜莓挞、粟子树头蛋糕、鹅莓姜味芝士蛋糕、黑朱古力红桑子慕丝、圣诞果子饼、黑加伦子柠檬香草炖蛋、朱古力圣诞面包、红加伦子北海道奶冻、朱古力圣诞面包共11款，睇落卖相确喺几吸引架。
侧旁喺雪糕柜，有3款牛奶公司嘅雪糕及1款Movenpick雪糕，虽然好快被人抢晒，但见临尾都有补货，所以，都有试一杯。
另一边厢，甜品仲有豆腐花、窝夫机、朱古力喷泉同小朋友好钟意嘅软糖。
甜品拼盘班戟、窝夫不时都晌自助餐见到，但鸡蛋仔就真喺好少有，而且，有原味及黑松露味，所以，留肚试，故此，今次碟甜品拼盘就无攞得咗疯狂，随意咗拣咗7款。虽然，整体啲甜品无话带嚟好大惊喜，但质感、味道都唔失礼，黑朱古力红桑子慕丝同红加伦子北海道奶冻喺小弟最推介嘅两款。
黑松露鸡蛋仔伴雪糕想食又唔食得多嘅朋友大可放心，同师傅讲声喺可以要半底嘅，即叫即做。啲鸡蛋仔成品又几重黑松露味㖞，更做得外脆内软嘅口感。伴上嘅Movenpick士多啤梨奶冻雪糕唔喺第一次食，知道喺高质好嘢嚟，再搭多个牛奶公司红豆味雪糕，满足晒啦。
黑松露鸡蛋仔伴雪糕
20 浏览
0 赞好
0 留言
可能本身都曾经嚟过「中西 • 环」食自助餐（前身叫IP Cafe），大概知道佢个底去到边，心里都无太大期望。不过，事隔多年，今晚再访，类别、款式大致差唔多，但质素印象中就提升咗，尤其海鲜及甜品部份，以闲日价$388，利用埋饮食网站或信用卡优惠，折实三嚿半多啲，整体嘅性价比合理。加上有啲「可口可乐」藏品，增加其可观性，由于是晚客人又唔算太多，服务可以讲喺颇熨贴，3个小时用餐时间，又唔会食到好赶。
张贴
