西餐大排檔 (已結業)

今日放工约左友人食饭，问佢想食乜，佢就话要试吓间「西餐大排档」！咁究竟系食「西餐」定食「大排档」呀！餐厅位于铜锣湾嘅渣甸中心7/F!一出䢂门已经觉得餐厅霸气十足！墙上嘅壁画为餐厅增添几分怀旧感。餐厅座位数量唔太多，但环境舒适，灯光柔和，空间都好足够。霸气红色餐巾纸非常抢眼！坐得一阵之后，侍应为我地递上餐牌，最后我哋嗌左三个前菜两个汤同两个主食！先嚟黑毛猪脆包！热辣辣脆卜卜嘅面包夹住沾有蜜糖芥茉酱嘅黑毛猪，非常开胃！再嚟黑松露煮日本年糕。汁酱嘅味道有d似黑松露忌廉汤，质感偏稀；日本年糕口感非常烟韧，两者味道好配合！之后就系焗法国连壳食田螺。所谓嘅「壳」口感有d似雪糕筒，脆卜卜；田螺味道不过不失。呢个海鲜肉骨茶系我全晚觉得最好味嘅！肉骨茶散发住啖啖药材味，入口甘甜，并附上一只大鲍鱼，鲜味！之后就系友人嘅黑松露蘑菇汤。蘑菇汤的蘑菇超多，汤的中间放咗一匙黑松露，非常香。之后就轮到主食：烤牛脷！牛脷的口感有软有实，有少少骚味；配菜方面我较为欣赏露笋同蕃茄，非常fresh !之后就系美国安格斯牛扒（7成熟）。安格斯牛扒牛味超浓，肉质松化！粉红色的牛扒，真的好好吃！