上海姥姥 (已結業)

今晚想食上海菜，于是同家人到咗上海姥姥用餐。餐厅装潢甚有中国古代建筑色彩，卡位之间采用圆拱门设计，墙上有啲中国古代女子挂画，非常之古色古香。我哋主食叫咗四川担担面同排骨拉面，担担面汤底浓郁，面条口感唔错。排骨面排骨份量都几多，不过略嫌肉质比较亁身。冷菜叫咗醉鸡、鸡丝粉皮、香辣贡菜同香煎素鹅。当中醉鸡酒味香醇，鸡肉入味得黎又嫩滑，几出色。鸡丝粉皮都唔错，鸡丝幼滑，粉皮弹牙，捞埋青瓜丝，芝麻酱，爽口开胃点心就叫咗招牌小笼包同炸银丝卷。小笼包几有水准，皮搓得够薄，一咬落去啲肉汁泌晒出嚟，正整体来讲，食物有啲水准唔错，有啲就比较普通，不过价钱唔算贵，都系食上海菜嘅一个选择。