鐵牛台灣牛肉麵 (旺角中心第一座) (已結業)

下午茶时间，落咗旺角中心地牢，超钟意食台湾嘢食嘅我，乜都唔谂就入去医吓个肚先😉。一入去，餐厅会要求客人喷酒精清洁双手，俾你感觉安心啲。🥰下午茶包括：一碗饭或面，再加三个小食，同一杯热饮（冻饮特饮当然要另加钱）$36下午茶1号：卤肉饭配木鱼炸豆腐、小黄瓜同盐酥鸡卤肉饭：白饭多卤肉多汁都多，完全唔系下午茶嘅份量😂。而味道中规中矩，满足嘅但冇太大惊喜。小食：木鱼炸豆腐个皮炸得过咗火😢，加咗类似甜酱嘅酱料，味道一般。小黄瓜同盐酥鸡都中规中矩，系份量少左少少。唔计小黄瓜，另外两款热食嘅温度都唔够热，放凉左啲😫。下午茶2号：卤肉汤面配台式小香肠、猪爽耳同甘梅脆薯卤肉汤面🍜：卤肉较少，味道较淡，面系下午茶嘅正常份量。小食：猪爽耳味道唔错，切功麻麻，有连住三四条嘅情况；小香肠味道亦都唔错，不过只系得一条😂； 甘梅脆薯，炸得够香口，加埋梅粉系几开胃嘅😋。但系小食都系有同样问题，温度属常温，冇热辣辣啱啱整出嚟嘅效果。