屋喔 (已結業)

下午茶叫咗个咸酥鸡肉燥饭，肉燥汁份量略少，饭就大大碗，个汁系几唔错既，一啖饭一啖肉燥汁，食到舔舔脷。反而咸酥鸡一口咬下，虽然系炸得非常酥脆，但完全没有味道。仲配咗一粒卤水糖心蛋，蛋白非常入味，蛋黄系膏状，口味同口感都系棒棒的🤗随餐奉送一杯32蚊以下既饮品，我就拣左Taro 奶茶，真系十级甜，无夸张，感觉系饮紧十几粒糖粒。总括来讲比起其他食台湾野既餐厅，下午茶喱个价有点略贵，因为仲要加一服务费，埋单加埋都七十几蚊。