紅米 (華都商場) (已結業)

約咗朋友去屯門睇毒舌大狀，但又得番45分鐘就開始，所以就求其睇吓附近有啲咩食，去咗一間叫做紅米嘅茶餐廳，唔知係咪因為人手唔夠，入到去見到好多枱都擺咗啲食淨嘅食物喺枱上面。坐低後，就睇吓餐牌，價錢中等，食物擺碟靚，但係味道就一般，需要用電話QR落單，我哋叫咗蔥油 咸魚煎肉餅配三眼煎蛋飯$54，板煎雞扒蛋包飯（意式茄汁）$58，另加凍檸茶（+$3/杯）。蔥油 咸魚煎肉餅配三眼煎蛋飯 ， 咸魚煎肉餅無乜咸魚味，煎得唔夠香，味道一般，但煎蛋就好靚，漏晒蛋黃汁。板煎雞扒蛋包飯，雞扒就不過不失，蛋係整得靚嘅。總埋單盛惠$118。