紅米 (華都商場) (已結業)

约咗朋友去屯门睇毒舌大状，但又得番45分钟就开始，所以就求其睇吓附近有啲咩食，去咗一间叫做红米嘅茶餐厅，唔知系咪因为人手唔够，入到去见到好多枱都摆咗啲食净嘅食物喺枱上面。坐低后，就睇吓餐牌，价钱中等，食物摆碟靓，但系味道就一般，需要用电话QR落单，我哋叫咗葱油 咸鱼煎肉饼配三眼煎蛋饭$54，板煎鸡扒蛋包饭（意式茄汁）$58，另加冻柠茶（+$3/杯）。葱油 咸鱼煎肉饼配三眼煎蛋饭 ， 咸鱼煎肉饼无乜咸鱼味，煎得唔够香，味道一般，但煎蛋就好靓，漏晒蛋黄汁。板煎鸡扒蛋包饭，鸡扒就不过不失，蛋系整得靓嘅。总埋单盛惠$118。