味道樂居酒屋 (河內道) (已結業)

最近同个朋友试咗哩间位于K11附近既居酒屋，由于留咗位，唔需要等候。餐厅环境气氛都似日本本地居酒屋既。食物方面我哋两个人点咗下面菜式:海葡萄油甘鱼刺身野菜沙律系第一味上既头盘，亦系今餐饭最钟意既菜。海葡萄既咸鲜清新，配油甘鱼既油香嫰滑，配搭有对比，唔错。再加上其他配菜，酸酸甜甜，系几开胃。跟手我哋点咗个牛肉寿喜烧，冬天食特别好味，份量正常，牛肉鲜嫰，汤底都系一般寿喜烧汁，不过不失。明太子火炙三文鱼卷，明太子味道浓郁，配埋三文鱼既油香，唔错。除咗上面三样，我哋再叫咗些少小食香炸一口芝未($52)同芥辣八爪鱼($42)，算正常水准。虽然我去之前都睇过吓哩道食评讲过吓服务态度，但今次我系全程无乜特别事情发生，所以无乜差既感受，评论唔到。整体体验合格，中规中矩。