城中鴨子

营业中

休息中

自从冇左海港城优惠券呢间都唔洗再大排长龙，基本上平日晚饭时间等一阵几分钟就入得！片皮鸭1只 $380★★★☆☆北京填鸭需要时间整，最好一坐低就点，之后先慢慢点其他菜。呢到完全分开左净鸭肉同净皮，唔会有皮连肉。外皮烤得几香脆，带油脂，全皮冇带肉，偏向油腻，一定要包埋肉食先得。鸭肉冇味亦冇鸭香，肉质鞋口，如果净食佢唔掂。薄饼够热，厚薄适中，连埋葱丝、青瓜、甜面酱、鸭夹埋一齐食味道正常，唯一系个鸭肉出事。麻辣水煮鱼片 $298★★★☆☆见每枱都叫，忍唔住又叫埋一份。用左鱼柳而唔系鱼片，急冻货用哂生粉腌过所以食落系好滑口。鱼柳份量多，够麻同够辣，食落入味之余够惹味，加上有少量配菜金针菇、莴荀、薯粉片，索哂个汤汁一流。味道唔差，但呢个价钱应该用番鱼片。霸王鸡丁 $128★★★★☆新鲜热辣炸，够哂香脆同麻辣，鸡肉够咸够麻但又唔会炸到太干争争。但鸡肉份量太少，巨多辣椒，呢个价钱唔系几抵食。小笼包6只 $98★★★★☆小笼包皮算系薄身多汁，汤汁偏向清甜唔油腻，肉馅肥瘦肉各半，一啖一个啱啱好。生煎包5只 $98★★★☆☆小笼包个包底煎得够脆，但个人略廉个包厚实左少少，肉馅都比较少，肉汁唔多，做唔到爆汁。