麻布茶房 (已結業)

行过麻布茶房，见好耐无食过，见佢个豪华午餐Set有包埋甜品好似好靓好吸引，同埋当时见餐厅入面客人唔算多，就入左去喇！一坐低，侍应先奉上热茶，我地都好快就选好order，盐烧鲭鱼鱼定食同香黑椒牛柳粒定食！而甜品就后上！盐烧鲭鱼定食：配有小食一客（莲藕渍物），面豉汤一客，主食鲭鱼同白饭一个！最主要既鲭鱼都烧得好香，鲭鱼皮烧得香脆，滴一至两滴柠檬汁可以中和一下烧完既油腻感同更加开胃，亦只有一两条鱼骨夹系鱼肉间，鱼亦大约有一只手掌长！香黑椒牛柳粒定食：同样有小食，汤同饭，系主食改系牛柳粒，份量一般唔算多，不过肉粒咬落够林同有牛香，熟度岩岩好！不过唔算特别，中规中矩！甜品：紫薯雪糕！雪糕外型靓，溶得好快，因为最底部既紫薯系热既，一冷一热食落效果又唔差，牛奶雪糕味道较淡，配上洒面既黄豆粉同少许糖酱先有少少味道！总体系不过不失，不过价钱唔算平，呢个价钱相信可以有更好选择😊！