亞萊嘜嘜 (已結業)

第二次嚟呢间餐厅食中午饭，记得第一次嚟大件夹抵食，食到好饱好开心舔舔脷，今次因为我哋一行10人，除咗中式酒楼都唔易揾位，贪呢间够晒就脚又坐得多人同舒服，所以就决定再嚟食。印象中之前啲价钱整体好似平少少依家由50头加到50中，50中𠮶啲加到接近60⋯⋯不过好彩都仲有啲平少少嘅精选午餐我叫咗个鸡扒冬阴公檬粉，酸酸辣辣，还可以有埋餐饮，热柠蜜唔使加钱唔知系咪餐厅加咗价所以推出左其他优惠，今次我哋10个人食左300几蚊，已经储够印花下次可以食个free lunch不过如果冇呢啲优惠，我谂我短期内都未必会再嚟食。唔系因为啲食物唔好食，只系同区仲有好多其他泰式餐厅可以试呢！