天龍燒鵝 (新禧大樓)

营业中

休息中

湾仔系烧鹅烧味美食嘅集中地，有老字号、有米芝莲、又有街坊店舖，要喺呢度插旗绝对唔容易！呢间舖头开咗冇耐，比好多KOL介绍之后，就出咗名！今日特登过嚟试吓！今日一行三人，叫咗半只烧鹅，一份乳猪同一份肥㶶腩叉烧例牌。去到舖头基本唔需要排队，即刻有位坐！好快已经落咗order，但系呢度嘅服务就好一般，首先真系等咗好耐，同个服务员讲咗，佢转头都系无理我，首先未食嘢就有啲唔开心！可能佢好多外卖要应付，所以我足足等咗15、20分钟先有得食，首先嚟咗碟乳猪同叉烧，乳猪就真系麻麻哋，同想像有少少出入，乳猪皮系脆嘅，但系冇乜肉味，坦白讲同出边烧味舖冇乜太大分别，叉烧就好食好多，但系真系冇肥㶶嘅感觉，起码都冇用火枪去烧一烧，只可以系合格以上，有少少过誉！跟住嚟到烧鹅环节，半只烧鹅，当然只烧鹅系冻冻地，又未至于唔好食，只系比一般烧味舖好少少，其实应该系我期望太高，但系佢极其量都系一间比正常烧味舖好少少嘅餐厅。不过服务方面真系要改善下，如果唔系浪费咗咁好嘅名声！