益民茶樓

营业中

休息中

如果唔系参加本地游一日好难有机会嚟到呢度，呢间酒家作为近乎独市(可以坐室内兼有冷气)，佢嘅出品算中规中矩啦。酒家推介嘅三款𩠌：招牌墨鱼丸、客家炆猪肉、蒸鱿筒银鱼仔，我觉得最好系客家炆猪肉同埋蒸鱿筒银鱼仔，至于其他𩠌(包括餐牌上面𠮶啲)都只系属于一般。客家炆猪肉南乳味好香，猪腩肉嘅肥膏炆得好有弹性，而且好入味。蒸鱿筒银鱼仔嘅咸香味好正，好有渔村风味，落少少豉油同埋姜丝已经好正。如果你都想试吓啲海鲜亦可以叫吓，不过无期望可能会有惊喜，价钱算平，新唔新鲜就睇彩数。我食嘅白灼虾系麻麻嘅，扇贝就唔错。