一起燒火鍋烤肉店 (已結業)

同老公第一次去试，整体上感觉唔错，环境卫生情况理想；不过我地食韩烧，韩烧嘅食物选择却比预期中少，食物种类唔够多元化，比如我想点鸡柳，但菜单上只得鸡扒(鸡类菜单只得8样野拣，鸭舌都归类喺鸡类菜单中🙄)，最后我同老公分别点左鸡肾、牛肉(4块手掌咁大嘅牛肉)、金菇、猪肉、茄子、多春鱼(4条)、汉堡扒，另外都有叫少量熟食如饺子。食物味道都尚可接受，价钱算可接受水平。不过其中要改善嘅地方，系韩烧食物种类需要多元化(其他如火锅或普通晚市菜单都有不同嘅选择)，我去过唔同地方食韩烧，都比呢间嘅种类多；另外人手亦都需要加强。