夏麵館 (寶石大廈) (已結業)

下午茶时间啱啱经过，俾佢大大只嘅面碗吸左入黎。一坐底就送上一壸茶，清清地啱晒大热天时饮见佢个下午茶餐好似几抵食（但其实唔抵，因为埋单先发觉佢星期六日同公假，下午茶餐嘅野全部要加$3，咁同正价无咩分别啰），就同朋大分别叫左麻酱捞面同埋酥炸大排面再加$10要左半份嘅红豆酥饼跟餐分别要豆浆同酸梅汤。其实三款食物都系普普通通，炸猪排面个汤面系好食的，但个猪扒炸得好油同偏咸，好彩叫有酸梅汤减低下个油腻感。讲开个酸梅汤，唔知点解饮落有阵滴露味，可能平时无饮开，朋友就讲笑话呢啲味先系正宗呢。而朋友个麻酱捞面就话系好食的，但个酱''太杰''，食落好涸喉要加埋个汤同不停饮茶中和返（𠮶壸茶起码饮左一大半），连杯豆浆都三秒清左。总括黎讲，啲野食普普通通，服务要改善下，因为跟餐嘅豆浆同酸梅汤我地追左三次先有，真系唔得。