龍門冰室 (已結業)

知道好多人都话龙门冰室系最难食既黄店，今次特登走去食下午茶餐，坦白讲系比我想象中好食既（可能因为我无食咖喱haha）。除左冷气太大、食物唔够热之外，味道算系中规中矩。《甜豉油猪扒炒乌冬》 $39呢个份量大到可以当Lunch食，乌冬唔会太软淋，猪扒一大块，口感嫩滑，但唔会有太多松肉粉，最正系个甜豉油，特别有茶餐厅风味，只系坐喺冷气位下面，食物好快冻晒。《流心芝士火腿西多士》 $37食西多士配流心芝士比较少见，相比奶酱/奶油来得特别，中间夹心热辣辣，仲有芝士拉丝，加埋火腿咸咸地又几好食。《红豆冰》 (跟餐加$7)原价好似系$2x，跟餐点加$7就饮到，抵到傻。妈咪好中意饮红豆冰，叫左少甜，佢话红豆煮得够淋几好饮。