Greenhouse

营业中

休息中

今日经过铜锣湾，同事话一齐去呢间餐厅食，见个价钱正常铜锣湾价，就一齐入去食。入到去见到似入左个小森林，感觉唔错。但一去到个位就见到张椅有少少污糟，就自己换左一张好D既。我自己就叫左个express lunch set，叫左个生牛肉河粉，餐跟一个南瓜汤同野饮，我就点左热咖啡。同事话星期五想食得开心D，再叫左个黑松露薯条、蜜糖单骨鸡翼。南瓜汤味道正常，我觉得有少少渣，可以的话过滤得清D会好少少。生牛肉河粉牛肉粉整得唔错，牛肉唔会好鞋，牛肉我估应该系美国雪花牛，牛味唔算好重。黑松露薯条薯条有少少林，系厚肉薯条，奇怪既系我同事跟餐个薯条系脆既。蜜糖单骨鸡翼碟鸡翼卖相一般般，可以的话炸得脆少少会好食D。整体上算中规中矩，食物唔算好惊喜，不过个环境算系几舒服。