稻香 (已結業)

细个好中意同屋企人去稻香食宵夜时段既边炉，因为食物质素好高价钱又抵！所以推出左任食边炉之后，我都有再帮衬。今晚又再去食九点半后既特价任食边炉，可能系平日既关系，未够钟姐姐都已经俾我地入去。野食都系大路款，另外餐厅仲设有自助区，可以拎野饮，酱料，菜类，丸同面食。肥牛分别有牛小排同美国肥牛，图中所见既系牛小排，比较有牛味同肥瘦均匀。海鲜都有唔小选择，好似海虾，广岛蚝同蚬。海虾够哂大只又爽，必叫今期仲做紧优惠，每台都会送一口牛拼盘，两个人已经送一碟，拼盘有一口牛同肥牛，不过一口牛质素就麻麻，大部份都好明显系雪左好耐，不过食落好腍都有牛味既。其实都食过几次，不过今次觉得食物质素差左都小左野食☹️同埋卫生情况越黎越差啊！但一大班人食饭的话，都依然系一个唔错既选择。