泰廚泰國菜館

营业中

休息中

今晚同朋友食宵夜，为方便大家搭车，选择左旺角呢间泰国餐厅。2个人叫左5样野，2杯饮品（合计321）串烧鸡+猪各2串酱汁味道浓郁，非常惹味，可惜唔够热，其中一串猪肉唔够熟。明白有时候太多单做唔切，出少少意外都情有可原，（平时晚餐时间，门口串烧部会大排长龙）但我地23:30去，客人不多，咁就真系马虎左d喇。$1木瓜沙律木瓜本身唔靓，完全冇木瓜味亦都冇乜水份，调味酱汁唔够丰富，友人话一蚊鸡唔好要求太高。我反问一句，我用正常价钱系咪可以食返正常质素。泰式金边粉上枱时见到呢一个颜色已经吓左一跳，不过系好味既，如果厨师轻手d，唔落咁多酱汁就好喇。古法烧𫚧鱼条鱼好新鲜，师傅烧得啱啱好，啲肉好滑。条鱼加入香茅、南姜、柠檬叶，包住锡纸去烧。需时30分钟，厨房即㓥即烧。马拉盏炒芥兰酱汁太多、太浓，每一口都好似食紧好多味精落肚，我表示弃权。