Sbakery by Mama Soo

营业中

休息中

知道呢间嘢好耐，咁啱喺附近食完lunch未见饱就心血来潮行过嚟试下。贵就预咗㗎喇，只系想一睹佢嘅风采，试下系咪真系值呢个价。行到过去选择困难症发作，店员几nice咁话水果cheesecake入面会有果肉，于是就拣咗个Blueberry Cheesecake$98。件cheesecake系几大件下，唔系好快融𠮶只，店员话水果cheesecake入面有果肉但其实得好少下，成件cheesecake嘅蓝莓味唔系好够，可能系jam/果肉唔够多，冇jam/果肉嘅位太多食落就会同原味冇分别。总结嚟讲就中规中矩，除咗大件之外都冇咩特别，但呢个价就唔会想食多次。同埋要留意嘅系佢主要都系take away，隔离系有个好细嘅位坐，可以坐1-2人，但如果有人坐咗/打卡就冇位喺度食。btw一个人坐喺度又有人经过嘅话场面就有少少尴，因为个位较细，人哋经过就有啲似动物园睇猩猩。