FRITES Belgium on Tap (灣景中心大廈)

营业中

休息中

Frites 唔系第一次帮衬，但湾仔呢间就未去过。湾仔嘅Frites 有室外同室内位，我哋预先订咗枱，去到就安排我哋坐室内。一入去就已经觉得好嘈，佢哋将啲四人枱用隔板隔开，变哂二人枱，变咗人连人，坐到好逼，而且人坐多咗，就更加嘈。希望佢哋会改善下，唔好坐得太逼2个人去食，叫咗一个星期四嘅Ribs、半公斤青口，一个炸虾+蟹肉球先讲个炸虾+蟹肉球，一啲都唔好食😕食到有一粒仔弹牙嘅肉，但系既无虾味又无蟹味，完全唔知自己食咗啲乜。呢个炸球除咗佢上面𠮶pet 沙律酱之外，系完全无其他味嘅Ribs & Fries个Ribs 啲肉偏「鞋」，叫做做到离骨，但系唔够坚尼地城𠮶边啲鬼佬酒吧做得咁好食，又香又滑又离骨。Fries 系失望在佢居然用幼薯条，无调味，唔够香口、太油，食到尾冻咗就硬。幼薯条好食应该系西营盘𠮶间西班牙菜La Polma。青口叫咗地中海风味，但其实除咗个辣肉肠之外，其他味道唔算好出，但系香嘅，青口都新鲜嘅食咁多只，得一只无打开口。好在将青口个薯条转咗做沙律，否则我哋一定食唔晒两个人食加埋啤酒总共食咗700几，中规中矩啦。份量够大，唔好讲女仔，男仔都一定饱。