Hard Rock Cafe (已結業)

点解拣呢间餐厅，纯粹因为易 book 位，有时真系会有啲担心佢会做到几耐，次次林尾book即日都有位。Standard 美国餐，burger 同 steak 都食过了，今次试吓食鱼啰。朋友嗌嘅扒，无啦啦有只煎蛋好骑呢。除餐附送嘅沙律同埋周打鱼汤我冇影相，周打鱼汤有少少太稀，平时饮开𠮶啲 creamy 好多。沙律就真系净系生菜，同埋几粒少得可怜嘅蕃茄碎。嚟到我嘅主菜，啲薯仔切粒点落啲蜜糖都几好食，啲豆都几好味，佢只酱都不错，鱼嘅份量还可以，问题系好硬，美其名就弹牙，但其实好唔似鱼既质地。 餐饮嗌咗热柠水。总括嚟讲，茶餐厅质数，中环价钱。