牧羊少年咖啡館 (雅蘭中心)

营业中

休息中

咁啱撞到个朋友，跟住趁大家有时间就揾地方坐低食饭，见到朗豪坊好多人朋友就话不如过嚟雅兰中心牧羊少年食饭，虽然系星期日，但系都只系等咗几分钟就有位。叫咗一个地中海无花果沙律配初榨榄油意式黑醋汁，3分钟就已经有得食，速度真系好快，沙律味道可以，系黑醋可以多啲就更加好。之后都系要同佢攞多少少黑醋。另外，仲叫咗一个蒜香橄榄油鳀鱼意大利粉，问咗佢哋话系用啲鳀鱼加咗啲汤煮埋变成浆状再同啲意粉一齐煮，所以食𠮶阵时见唔到啲鳀鱼，但系食到佢嘅味道，味道都几好，呢个意大利粉都系沙律上咗嚟之后两分钟就到，速度真系超级快。之后同我哋清理枱面嘅速度都快，可能佢哋真系希望可以快啲转枱，不过我见到其实都有好多空位，所以我谂应该都系管理方面要求佢哋咁样做，亦都觉得冇乜嘢问题，下次都会嚟试吓其他嘢。