Marco's buffet (已結業)

俾报纸广告吸引，见到个价钱好平，用埋优惠券每人 $108 连加一。于是，我地就试咗啦。一分钱一分货。睇过其他 OpenRice 嘅食评，都比较负面。我觉得冇咁差，都唔系难食嘅。冇乜贵价食物。我觉得炒乌冬都几好食，有少少辣，忌廉鱼柳唔错。前菜选择都唔少。不过牛扒麻麻地，肉质有啲奇怪。即炒嘅卡邦尼意粉，厨师功力十足，味道都OK，但系唔够热，相信系因为炒完意粉之后会放喺一砖雪咗嘅芝士之中，令意粉变冻。环境方面，我地坐喺角落位，都舒服嘅。但系今日都算多人，嘈咗啲。总括来讲，呢间餐厅质素一般。每人 $108，都预咗唔会话有高级酒店嘅质素。