青葉日本料理 (日式放題) (已結業)

早一排黎过呢度食晏, 之前都未黎过, 都系胆搏胆架咋, 好彩个结果都唔差!大约一点到黎到, 心谂如果好多人又要等话我一定即闪, 点知去到就有位, 于是乎咪坐底叫野食! 两个人一人叫一个定食, 一个系咖哩猪扒定食, 一个系鳗鱼定食!个定食份量都好够下, 有个面士汤, 有个生菜沙律, 有个有个饭, 同埋有个饭后果, 再加多杯餐饮!面士汤普普通通, 咸左少少; 生菜沙律就清清地, 生菜几爽口几好味; 咖哩猪扒d咖哩就几香但唔辣, 送饭一流, 而猪扒都几松, 味道唔会太浓, 可以呀; 鳗鱼就维持一贯味道, 不过就一d都唔腥, 但系有少少骨啦, 都唔差呀; 白饭都几大碗下, 份量都真系够; 反而个饭后果有少少倒胃, 西瓜几块不过卖相极差; 睇到都唔想食; 至于两杯餐饮要左冻柠茶, 冻柠茶就一般啦, 可以接受!总括黎讲d野食唔算太差, 又唔算特别好, 不过绝对可以接受! 服务都中规中举, 埋单大约八十几, 不过冇加一都算抵食, 有机会都会再黎!