Coffeeholic (已結業)

约朋友食午餐，想揾间cafe可以坐耐少少。铺头唔大，不过十二点三到都仲有位。佢每个餐都跟汤。个汤好麻麻，好似饮水咁，小妹饮左两啖就放弃。朋友叫左个意大利脍牛肋条，个样几靓！我就叫左个全日早餐。佢份量唔太大，男士有可能唔够饱。黑松露马铃薯最正，黑松露味好香，而且佢有啲薯仔粒，好有咬口。温泉蛋响个杯入面，无乜调味的。橙有一片，而个餐都有个沙律。沙律酱系蜂蜜芥末酱，几好味，而且有啲腰果同果干，唔错！佐墨汁面包就无乜特别，唯一特别就系黑色。旋风薯炸得唔错，不过唔敢食太多，我见附近个个都无食哂。总括黎讲系正正常常，以呢个质素略嫌偏贵。