興記

营业中

休息中

今日入屯门探同事嘅bb, 入得屯门，之后顺便去三圣邨食海鲜！之前听朋友讲冬菇亭兴记好食，所以早两曰就book定位。不过都系只有外边位咋。不过后尾都安排咗坐内厅！lucky!我地拣咗3样海鲜 - 赖尿虾、肉蟹羔蟹各一和扇贝。扇贝最好味，蒸嘅时间刚好，扇贝鲜味。姜葱炒蟹系啲standard嘢，冇惊喜，而且唔够热。食亲姜葱炒蟹，最好味嘅都系啲姜葱架啦。椒盐赖尿虾炸得唔够透，咬落一口油。幸好赖尿虾肉质够厚，尚算弹牙。椒盐嘅料落得少，好悭皮嘅感觉。另外，我地叫咗上汤浸菜心，烧鹅同咕噜肉。咕噜肉唔得，切得太大旧，炸得又唔脆，汁太酸。烧鹅好味，唔肥、够香口，又嫩！