一品雞煲火鍋

营业中

休息中

上次食唔到鸡煲，今次两条友再去过！两个人七点walk-in，已经无晒卡位，要坐大枱，当时大台已经有一伙三人，我地谂住隔一个位放野，被人制止左……要坐埋一齐，只系椅之间隔开d。后来仲有两伙人，即系一张大枱四伙人 (2+2+2+3)，其实张枱系够大，不过真系坐得唔自在，你眼望我眼咁，壶汤放枱中间，好似二龙争珠咁。之但系，好生意真系有原因既，因为野食真系十分之好！今次叫左半只中辣鸡煲，好惹味呀！本来开始食都无咩，但辣既后劲好劲，嗜辣如我俩都唔系好顶得顺，叫左两楂竹庶水……d鸡好快食晒，觉得应该无半只……我地之后加汤，叫左乌冬、津白同云吞水饺拼，二人份量刚刚好~乌冬浸完d汤好好味，够烟韧；津白好脆好清甜，我好少叫佢打边炉，原来好夹！原本叫韮菜饺拼水饺，不过无韮菜饺，但云吞都ok，唔知系咪上次话完佢馅少，今次好饱满！味道实在好令人回味呀~一定会番兜！不过最后夹够人坐卡位或者大枱，如果唔系「㓥枱」系几唔舒服的。