星馬屋 (已結業)

去咗呢头附近,只系想食少少嘢,就拣咗星马屋.其实系间港式茶餐厅,睇一睇餐牌,价钱都几平.楼底又够高,仲有湖畔景致,总算系比外面啲茶餐厅优胜.炸鸡髀沙律配热奶茶,沙律入面有菠萝,青瓜,胡萝卜,马铃薯,西芹,罐头杂果,以一间港式茶餐厅嚟讲材料丰富,满满嘅蔬菜较只系食肉类来得健康,同埋冇出水之类嘅情况.不过鸡髀就炸得非常非常非常干身,外皮仲脆到好似鸡皮版猪肉纸,感觉一般,更莫说肉汁同肉质.咁其实以呢个价钱嚟讲尚可接受,沙律亦将炸鸡髀嘅缺点掩盖咗.热奶茶茶味重,正正常常.朋友嘅咖哩牛腩饭配冻柠茶,当日碟上就只有牛腩,又冇其他蔬菜伴碟,口感较单调,味道就算系可以.咁如果晌呢头返工或踩单车想中场休息,只系想揾个平平哋而又有啲美景嘅地方坐坐都未尝不可嘅.