吉壽日本料理 (已結業)

朋友推介去吉寿食晚市放题，地点好方便在旺角地铁e1出口就到，食店面积都好大，啲枱以大卡位形式摆放，坐得好舒服，六人以上嘅朋友聚会都无问题😊我哋攞咗位之后 就睇下有啲乜嘢食，好厚一曡分类点餐纸，每样都剔咗D来试下，跟住去自助区睇睇，有个好大嘅冻柜同一个暖柜放咗好多饮品，冷热都有得比你拣。另外重有啤酒，日本清酒和梅酒比你哋尽情畅饮。   试下D小食: 章鱼烧，饺子，葡挞同炸鸡粒重有泰式凤爪，真系几好食！好快自选刺身盘上枱喇，原粒带子，甜虾好大只，三文鱼，油甘鱼厚切大大件，味道非常鲜甜，必食之选。吉列炸壕外趣内软蚝味浓沃，真系好好味一定要食。榴莲炸弹外皮烟轫甜度适中同芝士年糕一样都好味道。另外，天妇罗D脆浆粉炸得好薄又唔会好油。迷你手卷，夀司，一口一件刚刚好。重有烧菠萝，酸酸甜甜开胃之选。每样食物都有水凖无令我失望。甜品当然要食啦，自家制嘅糕点堤拉米苏，福饼，奶冻，马卡龙细细一件，食多几款都无问题，最后，食埋一粒朱古力味嘅雪糕糯米糍，真系满足饱喇。价钱唔贵，食物有质素，侍应服务态度又好，值得同朋友再来食。