日日香鵝肉飯店 (威靈頓街)

营业中

休息中

系中环做完gym就去左附近既「日日香鹅肉饭店」食晏，之前系观塘见过已经想试下，今次系中环见到所以就入去食。虽然舖头唔算大，但中间都有两张大枱，其他位就坐得迫少少。叫得鹅肉饭店当然要叫鹅肉，另外其实仲有好多卤味可以叫。今次叫左个双拼饭 - 鹅片加自己叫亲就会叫既墨鱼😂（有睇我食评既应该知道我真系好中意食墨鱼）唔想食太多既关系，叫左少饭，但黎到既时候，大家见图既份量一啲都唔细，所以好彩叫左少饭。至于𩠌既份量都岩岩好，除左鹅片同墨鱼，配料都有扎肉同半只卤水蛋加菜。鹅肉够入味都好淋，反而自己觉得墨鱼厚身少少就好，但整体黎讲算唔错，中意食卤水既朋友仔不妨去试试，卤水汁都系任大家自己加落去，所以可以按自己喜好加，因为自己会惊太多汁啲饭淋晒。