茶餐廳2.0 (已結業)

和朋友行完南丰纱厂，顺便过来愉景新城食野，朋友想食西式野我就想食中式野，最后拣左茶餐厅2.0就最啱，餐牌菜式睇落样样有都几多选择。餐厅环境干净，卡位阔落坐得舒服。埋单二百几蚊唔贵，价钱算系经济味道亦都唔错。罗宋汤 $10汤味浓郁大碗足料，好多杂菜煮得好淋，红萝卜、西芹、椰菜、牛腩都见，酸酸甜甜开胃好饮。蒜香大虾卡邦尼意大利粉 $75意粉软硬适中份量多而且好挂汁，大虾爽口弹牙有大笃蒜蓉好有蒜香味，仲有好多其他配料三色椒丝和菇菌，口感丰富。沙爹石窝粉丝鲜虾煲 $88有大碗白饭跟，石窝热辣辣滚住食，鲜虾多只好香口，粉丝索满沙爹汁好惹味，仲有菠萝粒食落开胃。黑糖椰果鲜奶 $14奶味香浓且滑，好香黑糖味，味道比较甜，下次要少甜，杯底劲多Ｑ弹口感的椰果好有嚼口。双重朱古力 $19朱古力味唔算好浓，杯面有球朱古力雪糕，饮下食下啖雪糕都好正。朱古力心太软配雪糕 $32朱古力蛋糕配上云呢拿雪糕，冷热交杂，作为饭后甜品非常满足。