黑木亭-お食事処 (玉成大廈) (已結業)

收工约咗朋友食饭，谂住去食街揾嘢食，见到有间新开嘅餐厅就试吓啦，等咗大概5分钟就可以入座。入去左边corner有个打卡位，有啲日式摆设布置、有棵樱花一个屏风位，墙侧边仲有和风系清酒酒埕，不过咁啱我就坐墙嘅另一边。我哋叫咗小食唐扬小池鱼，一条条炸鱼仔，好精致脆口。第二样系A5宫崎和牛舞茸野箘薄烧，好似金菇牛肉卷咁，不过入边系好爽甜嘅舞茸野箘菇，平时出边食开都系大概六件，呢度嘅份量比较多。主菜就叫咗铁板活海鳗，石烧形式热辣辣，佢嘅份量都大旧和厚切，入面都比较多细骨，点埋个酱汁好惹味！餐厅做紧清酒买一送一，不过我哋叫咗两杯特饮，我叫咗比较清新嘅洛神花茶，钟意佢淡淡地唔甜，朋友就叫咗蜜桃乌龙茶，上面有只用冰整嘅熊仔，好可爱啊！我试饮过就觉得比较甜，钟意甜嘅朋友可以点嚟试吓。整体环境不错，唔会好嘈，职员好有礼貌，女职员仲着住日式和服上衣，上菜速度系你食完一碟咁上下就嚟第二碟，啲嘢唔会冻晒，几好！