自家燒吧 (已結業)

烧野食唔一定要去烧烤场，室内都可以烧野食。冬天一定会去烧野食，今次比我发现了有室内烧野食，即刻约埋老公去。一入餐厅唔会有好烟好焗既感觉，餐厅好多座位，有二人，四人，六人座位，张枱够大，够阔落，坐得舒服食物一边是串好一串串既食物，另一边冻柜有甜品、冷盘、生果，海鲜。除左BBQ，仲有熟食，靓汤饮，枱上亦有点餐纸可以点食，都系免费架。食物已经串好，只要放在烧烤炉上，就会自转，连反都唔驶反，岩晒我以d懒人，烧烤炉旁有3款酱汁，可以加落食物到，仲有3款调味粉，烧出黎已经好香好香。食物方面，腌左既肉够入味，由其黑椒牛肉粒，牛肉粒软腍，黑椒味浓，辣味鸡肉入味，好滑最后食埋甜品，就完美啦。