影片
更多
2017-07-09
297 浏览
天气越来越热冇乜胃口，真系唔知食咩先好，谂起朋友介绍一间日本串烧餐厅，顾名思义每件都份量细细，唔使担心无胃口食唔落！来到餐厅门口已经感受到果种日本风。呢度系用open kitchen，可以见到厨师嘅厨艺。餐牌将每种肉类同埋蔬菜已经分门别类，好易睇。除咗串烧之外，惊唔够饱的话仲会有主食。一坐低已经每人有一份蔬菜条，甘笋，西芹同椰菜都十分爽脆多汁！而且亦都好甜。我哋谂住开开胃口，所以叫咗一个沙律！樱花虾沙律蔬菜好鲜甜，樱花虾鲜味十足而且好脆！酱汁要咗芝麻酱汁，好有麻香！不过略嫌沙律酱多左小小，如果唔系就perfect!! 另外仲要左烧粟米，每一粒粟米都好饱满多汁！芝士翠玉瓜同埋烧牛肋骨肉，两者都充满焦香！牛肋肉牛味浓郁，一d都唔韧！烧鸡软骨好香脆，厨师用海盐调味，另外烧豆腐外脆内软，日本酱汁令豆腐更加惹味。仲有烧海鲜选择，我哋要咗个烧翡翠螺，同豆腐一样用日本酱油烧过，螺肉爽甜又大粒。猪肉芦笋卷多汁，薄薄嘅猪肉包住香甜芦笋，层次感丰富。烧鸡翼系我每次必点嘅串烧，皮烧得好香脆，将皮下脂肪迫晒出嚟！最后到上汤稻庭乌冬，汤底好清好甜，乌冬好滑好香，配有大量紫菜同芝麻！起初真系无乜胃口，不过呢度嘢食
来到餐厅门口已经感受到果种日本风。
呢度系用open kitchen，可以见到厨师嘅厨艺。
餐牌将每种肉类同埋蔬菜已经分门别类，好易睇。除咗串烧之外，惊唔够饱的话仲会有主食。
一坐低已经每人有一份蔬菜条，甘笋，西芹同椰菜都十分爽脆多汁！而且亦都好甜。
我哋谂住开开胃口，所以叫咗一个沙律！樱花虾沙律蔬菜好鲜甜，樱花虾鲜味十足而且好脆！酱汁要咗芝麻酱汁，好有麻香！不过略嫌沙律酱多左小小，如果唔系就perfect!!
另外仲要左烧粟米，每一粒粟米都好饱满多汁！
芝士翠玉瓜同埋烧牛肋骨肉，两者都充满焦香！牛肋肉牛味浓郁，一d都唔韧！
烧鸡软骨好香脆，厨师用海盐调味，另外烧豆腐外脆内软，日本酱汁令豆腐更加惹味。
仲有烧海鲜选择，我哋要咗个烧翡翠螺，同豆腐一样用日本酱油烧过，螺肉爽甜又大粒。
猪肉芦笋卷多汁，薄薄嘅猪肉包住香甜芦笋，层次感丰富。烧鸡翼系我每次必点嘅串烧，皮烧得好香脆，将皮下脂肪迫晒出嚟！
最后到上汤稻庭乌冬，汤底好清好甜，乌冬好滑好香，配有大量紫菜同芝麻！
起初真系无乜胃口，不过呢度嘢食好惹味，我哋越食越多！最后尾同朋友两个又系捧住个肚返屋企。
张贴
