Fun Fun 串串鍋 (已結業)

都有一段时间冇打边炉，仲好挂住大陆嘅麻辣烫～同旧同事好耐冇见，决定约下旺角食饭，就顺手系openrice揾一间打边炉嘅餐厅～见到呢间串串锅几抵食都系$158/位，平过外面d打边炉任食好多～于是试下～一上到去都唔洗等位，太开心啦！汤底有好多选择，我同事唔食得太辣，于是我地选择咗药膳胡椒鱼肚汤，又真系几香鱼味～有淡淡的胡椒香味仲好暖胃肉类鱼类同部分嘅素菜可以系纸度tick，其他大部分都系自助，系外面拎～好方便，牛肉嘅种类都几多，有安格斯肥牛，香菜牛肉，泡椒牛肉等，种类都几丰富～到酱油bar，都好多选择，有唔同嘅辣椒选择，都好方便可以随时行过去任加！呢度系自助区，d选择又系好多，有唔同嘅丸类，西兰花，午餐肉，响铃，牛柏叶，葱，鱼蛋，厨师肠，鸡翼，好多款蔬菜等等，眼花缭乱～面类就有公仔面多款，乌冬，粉丝等等，独立包装好卫生～呢个就系安格斯肥牛，偏肥少少，食落都有牛味，都唔错～其他火锅料都好新鲜～我个人好中意食莲藕同窝笋，疯狂叫咗几转，厨房出食物的速度都好快～呢d就系特别嘅串串锅食物，就咁放落去锅，之后拎起就可以食，都几方便～呢个无敌大蟹柳都几好味～忍唔住再拎咗好多丸同肠仔豆腐～哈哈哈饮品柜都有