Fun Fun 串串鍋 (已結業)

今日去开旺角行街，夜晚book左呢间串串火锅店，上到去都好full，好彩book左就好快有位。佢就有限时2小时，所以要留意番。一入去就见到有一排饮品柜，有汽无汽有酒精冇酒精都有，好多选择。格离就有两个大冰柜，有一边就系啲丸同啲菜，另一边就系主打嘅串串同粉面。而家餐厅有提供六款汤底加一款酸菜鱼汤底，而我哋拣左个胡椒猪肚汤底，上到嚟好香胡椒味，做汤底一流。另外仲有张纸可以俾钱加料或者自己拣一啲特别啲嘅配料。酱料区都好多选择，好多配料。我推荐巨型日本蟹柳，鸡肾，芝心丸，牛栢叶，好正！我哋食完见到仲有人等第二轮，睇嚟呢间餐厅都好旺。记得嚟食要订枱！