Cheeky Pasta (已結業)

今日去咗亦中伏 ，无睇Openrice, 行过见到舖面几得意，有少少欧洲风，老板亦有笑笑口打招呼，当时店内所设的两张枱同4张座位已坐满，所以买咗佢既"肥嘟嘟薯条"试下，念住一路食一路等位。过咗5分钟，薯条未到但有两位食客离开，老板亦立即清洁好，咁我走去打算坐吓等薯条啦，点知坐都未坐低，老板已继续用佢嘅招牌笑容咁话座位系留比每位消费满HKD50的客人，当时系下午2时半，过晒lunch时段，而今日系公众假期，汕头街人流不多，枱面或餐牌亦冇写最低消费的要求，而我后面绝对系无任何人等紧，我唯有行开继续等我嘅"外卖薯条"啦，但所有appetite即时无晒，本来念住薯条嚟到ok嘅话再叫个沙律嘅，但老板咁串咀，都系去第2度食算。又过咗5分钟，薯条终于到，名字系叫"肥嘟嘟"，但并唔系幻想中嘅厚切薯条，无任何芝士或其他伴碟，当然亦冇不同酱汁啦，只有一盒外卖蕃茄酱同一D调味粉喺薯条上面，用透明胶盒放好，街头小食嚟讲卫生系唔错㗎，心谂好彩老板只expect我外卖，唔比我坐低咋，我知你哋系主打薯条，我亦可能念多咗啦，但HKD35一盒外卖薯条实在值，过好彩本身薯仔唔难炸，其本上好少舖头会炸薯条都做唔好嘅。