串亭

营业中

休息中

串扬系种日本小食，将食材用竹签串起，再上炸浆炸。第一次食串扬好期待～餐厅环境好阔落，坐得好舒服。有几个bar 枱位可以望住厨师主理，识日文嘅仲可以一路食一路同厨师畅谈！头盘系有三味小菜嘅前菜拼盘，分别系：明太子薯仔沙律、味噌酱翠玉瓜同鱼生刺身。三款小菜真系好fresh 好开胃，鱼生刺身夹住配有酱油嘅洋葱真系好好食！😋之后嘅炸和牛西冷配黑松露酱串同炸天使虾串一齐上，不得不赞下个和牛真系好锁肉汁！咬落去热辣辣，仲好重牛肉香味。天使虾好大只，口感爽口～炸三文鱼串配三文鱼籽香口又有三文鱼籽嘅油香。炸鲱鱼籽昆布串好惊喜，鲱鱼籽口感爽脆，配埋木鱼碎好香～再之后食咗柚子𫚕鱼串同炸汁烧鳗鱼串。有柚子味嘅𫚕鱼酸酸甜甜好醒胃～鳗鱼串好好食，因为鳗鱼系本身已经用酱汁煮好先再炸，加埋山椒酱好香浓！日式炸鲍鱼串系好好味㗎！佢嘅外层好酥，内里嘅鲍鱼肉质都非常鲜嫩。啱啱炸出嚟𠮶阵，啲香气都好浓郁，真系咁食落去，啲香味同啲鲜味直落肚啦！同埋佢嘅酱汁搭配得好啱，甜辣口味好平衡，增加咗味觉上嘅丰富度。总括嚟讲，呢道炸鲍鱼串好适合当做小食或者下酒菜，好推介㗎！