幸匠燒 (海運大廈)

营业中

休息中

海港城日式串烧店，估唔到平日都几full，午市套餐$200-$350，有前菜、味噌汤、白饭、甜品，系得海港城有海景坐得舒舒服服，算唔错。刺身五品定食($328)有五款刺身，厚切肥美，但份量真系偏少，而且款式都好普通，性价比低。串烧拼盘有两set - 分别主打鸡同牛。鸡串烧有鸡翼、免治鸡肉捧、鸡腿肉、冬菇、翠肉瓜。牛串烧有和牛串、车厘茄、长葱鸡肉，好可惜当日牛舌同豚肉卷都冇货。串烧水准正常，但普遍都比较dry，当日冇牛舌同豚肉卷，比较可惜。加$10可转稻庭乌冬，几大碗乌冬都弹牙。最推都系个鳗鱼鸭肝丼($278)，烧鳗肥美juicy，再加鸭肝更邪恶不过都有少少干，鳗鱼汁𩠌饭系正既。追加九州枪鱿鱼烧($118)，原条鱿鱼，口感爽弹，特别个鱿鱼须好有焦香，配个烧汁系几正。