香港地道小食

营业中

休息中

周二喺附近食晚饭，由于唔系几够饱，于是行左过黎吴松街呢边。呢间小食店之前都已经帮衬过，觉得烧鸡脾都几好食，所以决定食番三几串先走，费事番到屋企先黎饿。哥仔好有礼貌，先落单后俾钱，见我地点几串野都问我地即食定拎走。坐外面又得，坐里面都得。我只系点左烧鸡脾、烧冬菇、蟹籽丸，冇之前黎果次烧得咁juicy，鸡脾都少咁啲蜜糖，肉有啲鞋口。不过价钱都唔算好贵，只系冇之前咁好食。烧冬菇加左少少辣粉，几香口，至于蟹籽丸外皮烧到微脆，里面啲蟹籽馅流出，都系好食。虽然附近都有唔少烧烤店，不过都系新式，我谂如果我点3串野，哈哈，唔知会唔会俾人眼望望呢。鸡以我都系钟意黎番呢间，味道冇咁好，但弹性高啲。